കട്ടപ്പന: പുളിയൻമല റോഡിൽ പാറക്കടവ് ഭാഗത്തു നിന്നും വയോധികയുടെ മാല പൊട്ടിച്ചു കടന്നു കളഞ്ഞ പ്രതിയെ പോലീസ് അറസ്റ്റ് ചെയ്തു. കക്കാട്ടുകട കുപ്പക്കാട്ടിൽ സുധീഷ് തോമസ് (34) ആണ് അറസ്റ്റിലായത്.

ബൈക്കിലെത്തിയ പ്രതി വീടിന് സമീപത്തു നിന്ന 80 വയസുകാരിയുടെ മാല പൊട്ടിച്ച് കടന്നു കളയുകയായിരുന്നു. നമ്പർ പ്ലേറ്റ് സ്റ്റിക്കർ വെച്ച് മറച്ച നിലയിലായിരുന്നു. തുടർന്ന് കട്ടപ്പന പോലീസ് നടത്തിയ തിരച്ചിലിൽ ഇരുപതേക്കർ ഭാഗത്തുവെച്ചാണ് പ്രതിയെ അറസ്റ്റ് ചെയ്തത്.