കട്ടപ്പനയിൽ കോളേജ് വിദ്യാർത്ഥികള്‍ സഞ്ചരിച്ചിരുന്ന ട്രാവലർ വാൻ അപകടത്തില്‍പ്പെട്ടു
ഇന്നലെ ഉച്ചയ്ക്ക് അപകടം .തൃശ്ശൂരില്‍ നിന്നും രാമക്കല്‍മേട്ടിലേക്ക് പോയ കോളേജ് വിദ്യാർത്ഥികളുടെ സംഘം സഞ്ചരിച്ച വാഹനമാണ് മറിഞ്ഞത്. വാഹനത്തില്‍ ഡ്രൈവർ ഉള്‍പ്പെടെ 17 പേർ ഉണ്ടായിരുന്നു. ഇറക്കത്തില്‍ നിയന്ത്രണം നഷ്ടപ്പെട്ട വാഹനം റോഡില്‍ നിന്നും തെന്നി നീങ്ങി റോഡിന്റെ വശത്തേക്ക് മറിഞ്ഞു, അവിടെ നിന്നും പത്തടി താഴ്ചയുള്ള കുഴിയിലേക്ക് നിരങ്ങി നീങ്ങുകയുമായിരുന്നു. അതിനാല്‍ വലിയൊരു ദുരന്തമാണ്റോ ഒഴിവായത്.
റോഡിന് താഴ്ഭാഗത്തുള്ള ഏലക്കാട്ടിലേക്കാണ് വാഹനം പതിച്ചത്.അപകടത്തില്‍ ആർക്കും കാര്യമായ പരിക്കുകളില്ല. സാരമായ പരിക്കേറ്റവരെ സമീപത്തെ വിവിധ ആശുപത്രികളില്‍ പ്രവേശിപ്പിച്ചു. കട്ടപ്പനയില്‍ നിന്നും ക്രെയിൻ എത്തി കുഴിയില്‍ നിന്നും വാഹനം ഉയർത്തി.
മണ്‍സൂണ്‍ കാലയളവില്‍ ഹൈറേഞ്ചിലെ വിവിധ പാതകളില്‍ നിരവധി അപകടങ്ങളാണ് ഉണ്ടാകുന്നത്. ഇറക്കവും വളവുകളും ഉള്ള പാതകളും, വഴി പരിചയമില്ലായ്മയും, പാതകളുടെ ഇരുവശങ്ങളിലും കാടുപടലങ്ങള്‍ വളർന്നുനില്‍ക്കുന്നതും അപകടങ്ങള്‍ക്ക് കാരണമാകുന്നു. വിവിധ ജില്ലകളില്‍ നിന്ന് ഹൈറേഞ്ചിലേക്ക് എത്തുന്നവർക്ക് റോഡുകളില്‍ സുരക്ഷ ഉറപ്പാക്കുന്നതിന്
പോപൊലീസ്,മോട്ടോർവാഹനവകുപ്പ് അടക്കമുള്ളവരുടെ ഭാഗത്തുനിന്ന് മുന്നറിയിപ്പ് നല്‍കുകയോ, മുന്നറിയിപ്പ് ബോർഡുകള്‍ അടക്കം സ്ഥാപിച്ചുകൊണ്ട് നിർദ്ദേശം നല്‍കുകയോ ചെയ്യണമെന്ന ആവശ്യമാണ് ഉയർന്നുവരുന്നത്.
